BUXORO DAVLAT UNIVERSITETI
V.I. ROMANOVSKIY NOMIDAGI MATEMATIKA INSTITUTI
BUXORO BOʻLINMASI
A X B O R O T X A T I
Hurmatli hamkasblar!
Sizlarni 2025-yil 10-11-oktyabr kunlari Buxoro davlat universitet va V.I. Romanovskiy nomidagi matematika instituti Buxoro boʻlinmasi bilan hamkorlikda «Matematik fizika va zamonaviy analizning turdosh masalalari» mavzucida oʻtkazilayotgan Xalqaro miqyosdagi ilmiy konferensiya (oflayn va onlayn) ishida ishtirok etishga taklif etamiz.
Ilmiy konferensiyaning maqsadi zamonaviy matematikaning – algebra, geometriya, matematik fizika, differensial tenglamalar, matematik analiz, hisoblash matematikasi va matematik modellashtirish, ehtimollar nazariyasi va matematik statistika, mexanika yoʻnalishlardagi tadqiqotlarning hozirgi holati va istiqbollarini muhokama qilish, shuningdek, olingan ilmiy tadqiqotlar natijalarini amaliy jarayonlarda qoʻllanilishlarini tahlil qilishdan iborat.
Konferensiyaning oʻtkazish joyi: Buxoro shahri, M.Iqbol koʻchasi, Buxoro davlat universiteti.
Konferensiyaning ishchi tillari: oʻzbek, rus va ingliz.
KONFERENTSIYA DАSTURI
Konferensiyaning ilmiy dasturi quyidagi yoʻnalishlarni oʻz ichiga oladi: algebra, geometriya, matematik fizika, differensial tenglamalar, matematik analiz, hisoblash matematikasi va matematik modellashtirish, ehtimollar nazariyasi va matematik statistika, mexanika, matematika taʼlimini rivojlantirish istiqbollari.
Konferensiya dasturi plenar maʼruzalar (40 daqiqa), taklif etilgan olimlar taqdimotlari (30 daqiqa), qisqacha maʼruzalar (15 daqiqa) va poster taqdimotlarini oʻz ichiga oladi.
Konferensiya kunlari ishtirokchilar uchun ochiq osmon ostidagi muzey shahar boʻlmish – Buxoro boʻylab ekskursiya tashkil etiladi, bunda ular shahar tarixiy yodgorliklari, betakror meʼmorchiligi va boy madaniy merosi bilan tanishish imkoniyatiga ega boʻladilar.
Buxoro shahri oʻzining sharqona goʻzalligi bilan sayyohlarni maftun etadi. Shaharga kirganingizda, binolarining ulugʻvorligi va qadimiy meʼmorchiligi tarix qoʻyniga tushganlik hissini uygʻotadi. Moviy gumbazlar, masjid va minoralar uzoqdan koʻrinib turadi. Koʻplab obidalar bugungi kungacha oʻzining asl qiyofasini saqlab qolgan.
KONFERENSIYA ASOSIY BOʻLIMLARI:
- Zamonaviy algebra va geometriyaning dolzarb muammolari;
- Matematik analiz va uning tadbiqlari;
- Differensial tenglamalar, matematik fizikaning teskari va nokorrekt masalalari;
- Kasr tartibli hisob va uning tadbiqlari;
- Matematik modellashtirish va hisoblash usullari;
- Ehtimollar nazariyasi va matematik statistika;
- Mexanikaning zamonaviy masalalari;
- Matematika taʼlimini rivojlantirish istiqbollari.